لە بناری چیای ھندرێن لە سنوری قەزای رواندز، بە ئامادەبوونی سەرپەرشتیاری ئیدارەی سەربەخۆی سۆران هەڵگورد شێخ نەجیب، بەرپرسی لقی ١٠ و ئەندامی کۆمیتەی ناوەندی پارتی دیموکراتی کوردستان بەهرام عەریف یاسین، جێگری سەرپەرشتیار و قایمقامی رواندز و بەڕێوەبەری فەرمانگەی ژینگەی سۆران و ژینگەدۆستان، نزیکەی ٤٠٠ باڵندەو ئاژەڵی کێوی، ئازادکران.
چاڵاکیی ژینگەیی لەلایەن بەڕێوەبەرایەتی پۆلیسی ژینگەی سۆران رێکخرابوو و هاوڵاتییەک بەناوی(هەژار مەولود) وەک خێرخواز و ژینگەدۆست ئەرکی کڕینی باڵندەکانی لە ئەستو گرتبوو.
