رۆژی پێنجشەممە، 30ی تشرینی دووەمی 2023، سەرپەرشتیاری ئیدارەى سەربەخۆی سۆران هەڵگورد شێخ نەجیب پێشوازی لە سەرۆکی زانکۆی سۆران د. شێروان شەریف و شاندی یاوەریی کرد.
دواتر بە ئامادەبوونی جێگری سەرپەرشتیاری ئیدارەى سەربەخۆی سۆران و یاریدەدەری سەرۆکی زانکۆی سۆران بۆ کاروباری زانستی، بۆ یەکەمجار لێکتێگەیشتننامەی هاوکاری و پێکەوەیی نێوان ئیدارەی سەربەخۆی سۆران و زانکۆی سۆران لەلایەن سەرپەرشتیاری ئیدارەى سەربەخۆی سۆران و سەرۆکی زانکۆی سۆران واژوو کرا.
لە کۆنگرەیەکی رۆژنامەوانیدا ئامانج و دەقی لێکتێگەیشتننامەکە بۆ میدیاکاران خرایەڕوو.
