ڕۆژی2 و 3ی نیسانی ٢٠٢٤، لەسەر ڕاسپاردەی ڕێزدار مەسرور بارزانی سەرۆکی حکومەتی هەرێمی کوردستان لە ژێر چاودێری سەرپەرشتیاری ئیدارەی سەربەخۆی سۆران، بەردی بناغەی سێ پرۆژەی خزمەتگوزاری لە ئیدارەی سەربەخۆی سۆران دانران کە پێکهاتوون لە:

• دروستکردنی شەقامێکی سەرەکی لە گوندی کەورین.

• دانانی بەردی بناغەی پرۆژەی تۆڕی ئاوی خواردنەوە لە گوندی کەورین لە لایەن سەرپەرشتیاری ئیدارەی سەربەخۆی سۆران و جێگری سەرپەرشتیار، قائیمقامی قەزای ناوەند و بەڕێوەبەری ئاوی سۆران، بەڕێوەبەری ناحیەی دیانا و مامۆستای گوند بە ناوی ھاوڵاتیان و موختاری کەورین داندرا.

• دروستکردنی شەقامی ٢٠ مەتری کۆڕەک لە قەزای ناوەندی سۆران، بە کوژمەی ٥٧٨ ملیۆن دینار داندرا.

مەڕاسیمی دانانی بەردی بناغەکە، بە ئامادەبوونی سەرپەرشتیاری ئیدارەی سەربەخۆی سۆران هەڵگورد شێخ نەجیب، بەرپرسی لقی ١٠ی پارتی دیموکراتی کوردستان دکتۆر ڕێبوار بابکەیی، جێگری سەرپەرشتیاری ئیدارەی سەربەخۆی سۆران و قائیمقامی قەزای ناوەندی سۆران، سەرۆکی شارەوانی و بەرپرسانی دیکەی حکومی و حیزبی و هاوڵاتیان بەڕێوەچوو.