ڕۆژی 1ـی حوزەیرانی 2024، هەڵگورد شێخ نەجیب سەرپەرشتیاری ئیدارەی سەربەخۆی سۆران بەیاوەریی جێگری سەرپەرشتیار و قائیمقامی قەزای ناوەندی سۆران، بەشداری مەڕاسیمی ڕۆژی جیهانی منداڵانی سۆرانی کرد، کە لە لایەن بەڕێوەبەرایەتی چاودێری و گەشەپێدانی کۆمەڵایەتی سۆران ڕێکخرابوو.
سەرپەرشتیاری ئیدارەی سەربەخۆی سۆران لە نزیکەوە گفتوگۆیی لەگەڵ منداڵانی بەشدار بوو لە مەڕاسیمەکەدا کرد و وێرای پیرۆزبای لە منداڵانی جیهان، بەتایبەت منداڵانی ئیدارەی سۆران، لە بارەی داخوازی و داواکاری منداڵان گوێی لە منداڵانی بەشداربوو گرت و بەڵێنی کردنەوەی خولی جۆراوجۆری لە پشووی هاوینەدا پێدان.
لە کۆتایی مەڕاسیمەکەدا خەڵات بەسەر منداڵان دابەش کرا.
