Logo
پۆرتالی خزمەتەگشتییەکان

قوتابییە یەکەمەکانی سنووری ئیدارەی سەربەخۆی سۆران خەڵاتکران

31/07/2024
قوتابییە یەکەمەکانی سنووری ئیدارەی سەربەخۆی سۆران خەڵاتکران

ڕۆژی سێشەممە 30ـی تەمموزی 2024، لە هۆڵی ئیدارەی سەربەخۆی سۆران لە مەڕاسیمێکی تایبەتدا کە بە هەماهەنگی لەگەڵ بەڕێوەبەرایەتی گشتی پەروەردەی سۆران ڕێکخرابوو، هەڵگورد شێخ نەجیب سەرپەرشتیاری ئیدارەی سەربەخۆی سۆران و بەڕێوەبەری گشتی پەروەردەی سۆران، دیاری و خەڵاتی ڕێزلێنانیان بەخشیە 13 قوتابییە یەکەمەکانی پۆلی 12ـی ئامادەیی (زانستی و وێژەیی) سەر ئاستی پەروەردەکانی سنووری ئیدارەی سۆران و قوتابخانەکانیان.

لە مەڕاسیمەکەدا کە هەڵگورد شێخ نەجیب سەرپەرشتیاری ئیدارەی سەربەخۆی سۆران، جێگری سەرپەرشتیار و بەڕێوەبەری گشتی پەروەردەی سۆران و بەڕێوەبەری پەروەردەی قەزاکانی سنووری ئیدارەی سەربەخۆی سۆران و قائیمقامی قەزای ڕواندز و قائیمقامی قەزای خەلیفان و بەرپرسانی حکومی و حزبی، ئامادەیبوون، سەرپەرشتیاری ئیدارەی سەربەخۆی سۆران چەند وتەیەکی پێشکەش بە قوتابییە یەکەمەکان و ئامادەبووان کرد و گوتی: خۆشحاڵم ئەمرۆ لەگەڵ پۆلێک لە قوتابیە یەکەمەکانی سەر ئاستی سنووری ئیدارەی سەربەخۆی سۆران و هەرێمی کوردستان ئامادەین، بۆ ڕێزگرت لە ماندووبون و شەونخونی ئەو قوتابیانە و بۆ هاوکاری و ئەو دایک و باوکانە ئەمڕۆ لێرە ئەم ماندووبونەیان بەرز دەنرخێنین.

هەستی نەتەوایەتی لە پێش هەموو شتێک دابنێن

هەڵگورد شێخ نەجیب گوتیشی، سوپاسی یەکە بە یەکەی ئەو قوتابیانەی کە ئەمڕۆ لێرە ئامادەن و لە هەموو ئەو قوتابیانەش کە توانیوویانە قۆناغی 12ـی ئامادەیی بە سەرکەوتوویی لە سنووری ئیدارەی سەربەخۆی سۆران تەواو بکەن، پیرۆزباییان لێدەکەم، سوپاسێکی تایبەتی بەرێوبەرایەتی گشتی پەروەردە و پەروەردەی قەزاکان و قوتابخانەکانیان دەکەم، کە توانیان لەسەر ئاستی هەرێمی کوردستان ئەو پۆلە قوتابیانە نمرەیەکی باش بەدەست بهێنن و سوپاس بۆ ئەو دایک و باوکانە کە منداڵەکانیان گەیاندە ئەو ئاستە کە هەم ئێمە و هەم وڵات و هەمیش بە خۆیان و کۆمەڵگە شانازیان پێوە بکات.

لە کۆتایی مەڕاسیمەکەدا سەرپەرشتیاری ئیدارەی سەربەخۆی سۆران چەند ڕێنماییەکی پێشکەش بە قوتابیان کرد و گوتی: ئێوە وەکو گەنج کە دەچنە زانکۆ وێڕایی خوێندن و بابەتە زانستەکان و سەرکەوتنەکانتان لە ڕووی زانستییەوە، وە پێویستە بابەتی هەستی نەتەوایەتی لە پێش هەموو شتێک دابنێن و هەر ئێوەن لە داهاتوودا ئەم وڵاتە و ئەم شارە بەڕێوەدەبن، شانازیتان پێوە دەکەین.

ناونیشان و زانیاری پەیوەندیکردن

ئیدارەی سەربەخۆی سۆران
قەزای سۆران، دێلزیان

تۆڕە کۆمەڵایەتییەکان

مەرج و یاسایاکانی بەکارهێنان نەخشەی ماڵپەڕ © 2023

بەستەرە خێراکان

-  پەرلەمانی کوردستان
- کابینەی پێشوو
- سەرۆکی هەرێمی کوردستان
- ئاڵا و لۆگۆ و سروودی نیشتیمانی
- رێبەری میدیا و گەیاندن

ناونیشان و زانیاری پەیوەندیکردن

ئیدارەی سەربەخۆی سۆران
قەزای سۆران، دێلزیان

تۆڕە کۆمەڵایەتییەکان

مەرج و یاسایاکانی بەکارهێنان نەخشەی ماڵپەڕ © 2023
linkedin facebook pinterest youtube rss twitter instagram facebook-blank rss-blank linkedin-blank pinterest youtube twitter instagram