ڕۆژی یەکشەممە 1ـی ئەیلولی 2024، لەسەر ڕاسپاردەی ڕێزدار مەسرور بارزانی سەرۆکی حکومەتی هەرێمی کوردستان و لەژێر چاودێریی هەڵگورد شێخ نەجیب سەرپەرشتیاری ئیدارەی سەربەخۆی سۆران بە گوژمەی (20)ملیار دینار ، بەردی بناغەی دروستکردنی دووتسایدی پیشەسازی کۆن ــ گەڕەکی بانە، پارکی نیشتیمانی سۆران، شەقامەکانی کۆمەڵگەی گەڵاڵە و شەقامی سەرەکی دیانا ـ سەروچاوە لە قەزای ناوەندی ئیدارەی سەربەخۆی سۆران دانرا کە پڕۆژەکان لەلایەن کاڤین گرووپ جێبەجێ دەکرێن.
مەڕاسیمی دانانی بەردی بناغەکە، بە ئامادەبوونی هەڵگورد شێخ نەجیب سەرپەرشتیاری ئیدارەی سەربەخۆی سۆران و د. ڕێبوار بابکەیی بەرپرسی لقی 10ـی پارتی دیموکراتی کوردستان، پ.ی.د شێروان شەریف قورتاس سەرۆکی زانکۆی سۆران، د. سیروان لەتیف ڕاگری کۆلیژی تەکنیکی سۆران، حەسەن حەدۆ فەرماندەی فەرماندەیی هەڵگورد و جێگری سەرپەرشتیاری ئیدارەی سەربەخۆی سۆران و قائیمقامی قەزای ناوەندی سۆران و نوێنەری کاڤین گرووپ و خانەوادەی سەربەرزی شەهیدان و هاوڵاتیان و بەرپرسانی حکومی و حزبی بەڕێوەچوو.
